Swipe to navigate
کارگەکەمان
ساڵانە لە توانایدایە زیاتر لە ملیۆنێک و ٢٠٠ هەزار پاتری لە جۆری SMF و EFB بە ستانداردی ئەوروپی و ئاسیایی بەرهەمبهێنێت.
گەیاندنی هێزی پاتری لە داهاتوودا
کارگەکەمان بەپێی ستانداردە نێودەوڵەتییەکان کاردەکات، لە ڕێگەی پێشکەوتووترین ئامێر و تەکنەلۆژیای جیهانییەوە پاتری ئۆتۆمبێل و بارهەڵگر بەرهەمدەهێنێت، بڕی بەرهەمهێنان لە ڕۆژێکدا دەگاتە ٣ بۆ ٤ هەزار پاتری، هاوکات ساڵانە دەگاتە زیاتر لە ملیۆنێک و دوو سەد هەزار پاتری.
١ ملیۆن
توانای بەرهەمهێنانی ساڵانە
٣ ملیۆن
زیادکردنی توانای بەرهەمهێنان لە ساڵێکدا
ئامێر و تەکنەلۆژیا
کارگەی مایا تەکنەلۆژیای پێشکەوتووی SOVEMA (CW320/14) بەکاردەهێنێت، کە لە هێڵێکی بەرهەمهێناندا شریتی قوڕقوشمی بەرهەمدەهێنرێت و کوندەکرێت، کە پێی دەوترێت "Cast & Punch"، کە ئەم شریتانە دەبنە تۆڕێک و هەویری قوڕقوشمی دەخرێتەسەر.
تایبەتمەندییە سەرەکییەکان
- قەبارەیەکی گونجاو
- هێڵی بەرهەمهێنانی "CAST & PUNCH" وادەکات کە پێویستیی بە کۆگاکردنی بەرهەمە نیمچە تەواوکراوەکان نەمێنێت، لە ڕێگەی کەمکردنەوەی هەنگاوەکانی بەرهەمهێنانەوە.
- ڕەوتی بەردەوامی گەڕانەوەی پاشماوە لە یەکەی کونکردنەوە گەرەنتی بەکارهێنانی ڕێژەی پێویستی ماددە دەکات بەپێی بەکارهێنانی ئینگۆتەکانی کە لە کارگەی ڕیسایکلینەوە هاتووە، بۆ ئامادەکردنی بەرهەمێکی نوێ بە کواڵیتییەکی بەرز
- هیچ فشارێک لەسەر تۆڕەکان نییە ئەمەش بەردەوامی زیاتر بە پڕۆسەی بەرهەمهێنان دەدات
- بەرهەمهێنانی شریتی لوولکراو کە بە ڕێژەی 90%-95% پەستێوراوە، ئەمەش بەرگری دژە ژەنگی بۆ دابین دەکات.
تایبەتمەندییەکانی پڕۆژەکە:
کارگەکەمان بە تەکنەلۆژیای پێشکەوتووی جیهانی و ستانداردی ئەوروپی و ئاسیایی کاردەکات، بۆ بەرزکردنەوەی توانای بەرهەمهێنانی پاتری بە کواڵیتییەکی بەرز.
هەنگاوەکانی بەرهەمهێنان لە کارگە:
پرۆسەی بەرهەمهێنانی کارگەکەمان ئەمانەی خوارەوە لەخۆدەگرێت
| هێڵی لکاندن | ئامێری لکێنەری ئیتاڵی تایبەت بە لکاندنی هەویری قوڕقوشمی لە تۆڕەکان کە لە هێڵی بەرهەمهێنانی " ”Punchingدروست دەکرێت، بە ڕێکخستنێکی تایبەت کە هەویرەکە بە چڕییەکی یەکسان بە سەرجەم لاکانی تۆڕەکەوە دەلکێنرێت. |
|---|---|
| دروستکردنی شریتەکان | ئامێری WSC لە ئیتاڵیا سیستەمێکی لەیزەر بەکاردەهێنێت بۆ کۆنترۆڵکردنی ئەستووری شریتەکان و بە وردبینی 1.5μm بۆ چاودێری بەردەوامی ئەستووری شریتەکان کە بە کواڵیتییەکی بەرز بەرهەمدەهێنرێت، بەرگرییەکی بەرزی دژە ژەنگ و توانای لکاندنی بەهێزی هەیە. |
| کوونکردن | ئامێری (پەنچ پڵەس)ی ئیتاڵی کە بە خێراییەکی بەردەوام تۆڕەکان بەرهەمدەهێنێت کە ڕێژەی لێکخشاندن و پیسبوون تێیاندا سفرە. |
| ژووری وشککەرەوە | : بەرزی پلەی گەرمی ژووری وشککەرەوەکان توانای لکێنەری هەویرە قوڕقوشمییەکان لەسەر تۆڕەکان زیاتر دەکات، کە ئەمەش تەمەنی پاترییەکان درێژ تر دەکات و بە توانایەکی زیاتر بزوێنەری ئۆتۆمبێلەکان وەگەڕدەخات. |
| هێڵی کۆکردنەوە | لەم هێڵەدا ئامێرە ڕۆبۆتییەکان بە شێوەیەکی خودکارانە ئەرکەکان ئەنجامدەدەن، کە پلێتە جیاوازەکان کۆدەکەنەوە، لە ڕێگەی چەند ئامێرێکی تایبەتەوە پشکنینی دڵنیایی جۆری پاترییەکان ئەنجامدەدریت |
| هێڵی دروستکردنی بۆکسە پلاستیکییەکان | لە ڕێگەی ئامێری کۆرییەوە ئەو بەشە پلاستیکیانەی کە پێویستن بۆ پاتریەکە بەرهەم دەهێنێرێت، لە دەنکۆڵەی ماددەی پۆلیپڕۆپێرلین، کە توانای بەرگەگرتنی بەرزی کەشووهەوای هەیە. |
| هێڵی کۆتایی و بارگاویکردنی پاترییەکان | لەم هێڵەدا لە ڕێگەی مایکرۆپڕۆسێسەری تایبەتەوە بارگاویکردنی زیرک و کۆنترۆڵکردنی پلەی گەرمی پاترییەکان بە وردییەکی زۆر ئەنجامدەدرێت، سەرجەم پاترییەکان پشکنینی کارەباییان بۆ ئەنجامدەدرێت. |
ستانداردەکانی کارکردن
لە کارگەکەماندا پڕۆسەی بەرهەمهێنان بەڕێوەدەبرێت لەلایەن تیمی ناوخۆیی و بە سەرپەرشتی کەسانی پسپۆڕی کارامە و بە بەکارهێنانی تەکنەلۆژیای پێشکەوتووی جیهانی.
DIN - Deutsches Institut für Normung (پەیمانگای ئەڵمانی بۆ ستانداردکردن)
ستانداردی پیشەسازی ئەڵمانی کە لە سەرانسەری ئەوروپا بەکاردەهێنرێت، بۆ بەرهەمهێنانی پاتری ئۆتۆمبێل و بارهەڵگر.
JIS - ستانداردی پیشەسازی ژاپۆنی
ستانداردی تایبەت بە بەرهەمهێنانی پاتری ترشی گۆگردیک بۆ ئۆتۆمبێل